अपडेट

डोल्पा:नेकपा माओवादी केन्द्रको केन्द्रीय कार्यक्रम जनतासंग माओवादी, मध्यपहाडि लोकमार्ग अभियान अन्र्तगत भोली (मंगलबार) रुकुम पश्चिमको चौरजहारीमा विशाल जनसभाको आयोजना गरिएको छ । जनसभालाई नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल (प्रचण्ड) सहित अन्य शिर्ष नेतृत्वले सम्बोधन गर्ने कार्यक्रम रहेको छ ।

चौरजहारीमा हुने जनसभामा जिल्लाका सबै पालिकाबाट नेता कार्यकर्ता सहित सर्वसाधरणहरुको ठुलो सहभागीता रहने नेकपा माओवादी केन्द्र रुकुम पश्चिमले जनाएको छ । प्रचण्डले जनसभामा सम्बोधन गर्नुका साथै त्यसअघि सहिदपरिवारसंग भेटघाट समेत गर्नेछन । प्रचण्डले मंगलबार विहान चौरजहारी पार्टी कार्यालयमा शहीदपरिवारहरु संगै, जनयुद्धका घाईते, आपांग, पूर्व जनमुक्ति सेनाको टिमसंग भेटघाट गर्नेछन ।

त्यस्तै चौरजहारी नगरपालिकाको कार्यालय अवलोकन र कर्मचारीहरुसंग भेटघाट समेत गर्नेछन । प्रचण्डले चौरजहारीको जनसभा समापन लगतै मुसिकोटको यात्रा प्रस्थान गरी सदरमुकाम खलंगाको शेरीगाउँ शहीदप्रतिष्ठानमा आयोजना गरिएको जनसंसाद कार्यक्रममा सहभाभी हुनेछन । मंगलबार प्रचण्ड रुकुम पश्चिम सदरमुकाम खलंगामा नै बास बसेर ७ गते विहान रुकुमकोट तर्फ लाग्नेछन ।

यहाँ प्रकाशित कुनै समाचारमा तपाईंको गुनासो भए हामीलाई ejanachaso@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।