अपडेट

सुर्खेत। सुर्खेतको वीरेन्द्रनगरमा ट्रकको ठक्करबाट ७२ वर्षीया वृद्धा गम्भीर घाइते भएकी छन् । दैलेखको भैरवी गाउँपालिका घर भई हाल वीरेन्द्रनगर बसोबास गर्दै आएकी तुलसी जैशी शुक्रवार अपराह्न बजारको मूलपानी चोक नजिकै जेब्राक्रसिङबाट बाटो काट्ने क्रममा दुर्घटनामा परेकी हुन्।

वीरेन्द्रनगर बजारदेखि बाँगेसिमलतर्फ जाँदै गरेको भे १ ख १९३६ नम्बरको ट्रकले ठक्कर दिँदा उनी गम्भीर घाइते भएको जिल्ला ट्राफिक प्रहरी कार्यालय सुर्खेतका प्रमुख प्रहरी निरीक्षक वकिल सुनारले जानकारी दिए।

ठक्करपछि घाइते भएकी जैशीकाे प्रदेश अस्पताल सुर्खेतमा उपचार भइरहेकाे छ र हाल उनको अवस्था चिन्ताजनक रहेको प्रहरीले जनाएको छ। दुर्घटनापछि ट्रक चालक फरार भएका छन् र उनको खोजी भइरहेकाे प्रहरीले जनाएकाे छ।

सुर्खेत #कर्णाली #वीरेन्द्रनगर

यहाँ प्रकाशित कुनै समाचारमा तपाईंको गुनासो भए हामीलाई ejanachaso@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।