अपडेट

रुकुम पश्चिम: रुकुम पश्चिमको आठबिसकोट नगरपालिका-९ राडी बगर बजारमा एम्बुलेन्स दुर्घटना भएको छ । मंगलबार बिहान क्याम्पस रोडमा आठबिसकोट नगर अस्पतालको रा १ झ १५५ नम्वरको एम्बुलेन्स सडकमै पल्टिएर दुर्घटना भएको हो ।

क्याम्पस रोड र सुन्दरपानी जाने बिचसडकमा एम्बुलेन्स दुर्घटना भएको प्रहरीले जनाएको छ । दुर्घटनामा कुनै मानविय क्षति भने भएको छैन्। प्राप्त जानकारी अनुसार उक्त एम्बुलेन्स सोही वडामा रहेको बब्लु ग्यारेज लाई भाडामा दिइएको थियो । एम्बुलेन्स भाडामा दिँदा व्यक्तिले मनपरी तरिकाले चलाउँदा बिरामीहरु मारमा पर्दै आएका छन्।

सोही ग्यारेजका मिस्तिरीले चलाएको एम्बुलेन्स अनियन्त्रित भएर सडकमै पल्टिएको आठबिसकोट प्रहरीले जानकारी दिएको छ। एम्बुलेन्सको सिसा, झ्याल फुटेको र सिट समेत भाँचिएर क्षतिग्रस्त बनेको बताईएको छ । लामो समय देखी नगरपालिकाले बिरामी बोक्ने एम्बुलेन्स व्यक्तिलाई भाडामा दिदै आएको छ ।

उज्यालो पाटी देखि साभार

यहाँ प्रकाशित कुनै समाचारमा तपाईंको गुनासो भए हामीलाई ejanachaso@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।